சிங்கத்தின் வாலை பிடித்து விளையாடாதீர்கள் மிஸ்டர் டிரம்ப் விளைவு வருத்தத்தில்தான் போய் முடியும் - டிரம்ப்புக்கு ஈரான் ஜனாதிபதி எச்சரிக்கை

சிங்கத்தின் வாலை பிடித்து விளையாடாதீர்கள்

மிஸ்டர் டிரம்ப்

விளைவு வருத்தத்தில்தான் போய் முடியும்

- டிரம்ப்புக்கு ஈரான் ஜனாதிபதி எச்சரிக்கை

   

ஈரானுடன் போரிட அமெரிக்கா நினைத்தால் அது அனைத்து போர்களுக்கும் தாய்ப்போராக இருக்கும் என ஈரான் ஜனாதிபதி ஹஸன் ரவுகானி எச்சரித்துள்ளார்.

அணு ஆயுத பரவல் தடை ஒப்பந்தத்தில் இருந்து விலகிகொண்ட அமெரிக்கா, அடுத்தடுத்து ஈரான் அரசின்மீது பல்வேறு பொருளாதார தடைகளை விதித்து வருகிறது. தனது நேசநாடுகளும் ஈரானை புறக்கணிக்க வேண்டும் என அமெரிக்க வெளியுறவுத்துறையின் சார்பில் நிர்பந்திக்கப்படுகிறது.

ஈரானிடம் இருந்து எந்த நாடும் கச்சா எண்ணை கொள்முதல் செய்ய கூடாது என அமெரிக்கா நேரடி பிரசாரத்தில் ஈடுபட்டு வருகிறது.

இதற்கு பதிலடி தரும் வகையில் சமீபத்தில் கருத்து தெரிவித்த ஈரான் ஜனாதிபதி ஹஸன் ரவுகானி, ‘ஈரானிடம் இருந்து கச்சா எண்ணை கொள்முதல் செய்யாவிட்டால் மேற்கத்திய நாடுகளுக்கு மத்திய கிழக்காசிய துணைகண்டத்தில் உள்ள இதர 15 நாடுகள் பெட்ரோல் ஏற்றுமதி செய்வதை ஈரான் தடுத்து நிறுத்தும் என்று குறிப்பிட்டிருந்தார்.

இந்நிலையில், உலக நாடுகளில் உள்ள ஈரான் நாட்டு தூதர்கள் மத்தியில் இன்று உரையாற்றிய ஜனாதிபதி ஹஸன் ரவுகானி, ஈரானுடன் போரிட அமெரிக்கா நினைத்தால் அது அனைத்து போர்களுக்கும் தாய்ப்போராக (மிக பிரமாண்டமானதாக) இருக்கும் என்று எச்சரித்துள்ளார்.

சிங்கத்தின் வாலை பிடித்து விளையாடாதீர்கள், மிஸ்டர் டிரம்ப். இதன் விளைவு வருத்தத்தில்தான் போய் முடியும் என்றும் அவர் குறிப்பிட்டுள்ளார்.