உலகக் கிண்ண கிரிக்கெட் போட்டி 2015: ஆஸ்திரேலிய பிரபலங்கள் பங்கேற்கும் தொடக்க நிகழ்ச்சி

உலகக் கிண்ண கிரிக்கெட் போட்டி 2015:

ஆஸ்திரேலிய பிரபலங்கள் பங்கேற்கும் தொடக்க நிகழ்ச்சி

இலங்கை நேரப்படி இன்று பிற்பகல் 1.30 மணியில் இருந்து இந்த தொடக்க விழாவை ஸ்டார் ஸ்போர்ட்ஸ் தொலைக்கட்சியில் பார்க்கலாம்.

11–வது உலகக் கிண்ண கிரிக்கெட் போட்டியை ஆஸ்திரேலியா, நியூசிலாந்து நாடுகள் இணைந்து நடத்துகின்றன. போட்டி தொடங்க இன்னும் 2 நாட்களே உள்ள நிலையில் தொடக்க விழா இன்று இரண்டு நகரங்களில் கோலாகலமாக நடத்த ஏற்பாடு செய்யப்பட்டுள்ளது.

இதன்படி ஆஸ்திரேலியாவின் மெல்போர்ன் நகரிலும், நியூசிலாந்தின் கிறிஸ்ட்சர்ச் நகரிலும் உள்ளூர் நேரப்படி இரவில் தொடக்க விழா நடக்க உள்ளது. கிரிக்கெட் மற்றும் கலாச்சாரத்தை பிரதிபலிக்கும் கண்கவர் நிகழ்ச்சிகள், பிரபலங்களின் பேச்சு, காதை பிளக்கும் இசை மழை, வண்ணமயமான வாணவேடிக்கை உள்ளிட்டவை இடம் பெறும்.

இலங்கை நேரப்படி பிற்பகல் 1.30 மணியில் இருந்து இந்த தொடக்க விழாவை ஸ்டார் ஸ்போர்ட்ஸ் தொலைக்கட்சியில் பார்க்கலாம்.