5 உலகக் கிண்ணத் தொடர்களில் விளையாடிய வீரர்கள் பட்டியலில் சயீத் அப்ரிடி மஹெல ஜெயவர்தன இணைந்து கொள்கிறார்கள்

5 உலகக் கிண்ணத் தொடர்களில் விளையாடிய வீரர்கள் பட்டியலில்

சயீத் அப்ரிடி மஹெல  ஜெயவர்தன இணைந்து கொள்கிறார்கள்

2015 உலகக் கிண்ணத் தொடரில் விளையாடுவதன் மூலம் 5 உலகக் கிண்ணத் தொடர்களில் விளையாடிய வீரர்கள் பட்டியலில் மஹெல  ஜெயவர்தனவும் இணைந்து கொள்கிறார். இவரின் முதல் உலகக்கிண்ணப் போட்டி 1999 ஆம் ஆண்டாகும்.

பாகிஸ்தானின் சயீத் அப்ரிடிக்கும் இது 5-வது உலகக் கிண்ணத்தொடர். இவருக்கும் 1999-ம் ஆண்டு தொடர்தான் முதல் உலகக் கோப்பைத் தொடராகும்.

அதிக உலகக் கிண்ணத் தொடர்களில் விளையாடியவர் என்ற பெருமையை பாகிஸ்தானின் ஜாவீத் மியண்டாட் முதலில் பெற்றார். கடந்த 1975 ஆம் ஆண்டு தொடரில் அறிமுகமான மிண்டாட், முதல் 6 உலகக் கிண்ணத் தொடர்களிலும் விளையாடியுள்ளார்.

சச்சின் டெண்டுல்கர் 1992 முதல் 2011 வரை நடைபெற்ற உலகக் கிண்ணத் தொடர்களில் பங்கேற்று, அதிக உலகக்கிண்ணத் தொடர்களில் பங்கேற்றவர் என்ற சாதனையை ஜாவீத் மியண்டாட்டுடன் பகிர்ந்து கொண்டுள்ளார்.

இதுவரை 17 பேர் 5 அல்லது அதற்கும் மேற்பட்ட உலகக் கிண்ணத் தொடர்களில் விளை யாடியுள்ளனர்.