“சிறிலங்கா சுதந்திரக் கட்சியைப் பாதுகாத்தல்” சந்திரிகா இயக்கம் உருவாக்கவுள்ளதாகத் தகவல்

"சிறிலங்கா சுதந்திரக் கட்சியைப் பாதுகாத்தல்”

சந்திரிகா இயக்கம் உருவாக்கவுள்ளதாகத் தகவல்

அரசியலில் ஒதுங்கியிருக்கும் முன்னாள் ஜனாதிபதி சந்திரிகா பண்டாரநாயக்க  குமாரதுங்க ”சிறிலங்கா சுதந்திரக் கட்சியைப் பாதுகாத்தல்'”என்ற பெயரில் இயக்கம் ஒன்றை உருவாக்கவுள்ளதாக தகவல்கள்  வெளியாகியுள்ளன.

 தனது தந்தையாரால் உருவாக்கப்பட்ட சிறிலங்கா சுதந்திரக் கட்சியில் சந்திரிகா இப்போது எந்தப் பதிவியையும் வகிக்கவே இல்லை. தற்போது வெளிநாட்டுப் பயணத்தில் இருக்கும் இவர் இந்த மாத இறுதியில் நாடு திரும்பவிருக்கிறார் என அறிவிக்கப்படுகின்றது.

 இந்த நிலையில் நாடு திரும்பியதும் அவசர அவசரமாக கட்சியைக் காப்பாற்றும் இயக்கத்தை அவர் ஆரம்பிப்பார் என தகவல்கள் தெரிவிக்கின்றன.

தற்போதைய சிறிலங்கா கட்சியின் தலைமையினால் ஓரங்கட்டப்பட்ட மூத்த பிரமுகர்கள் பலரின் ஆதரவு சந்திரிகாவுக்கு  கிடைத்திருப்பதாகவும் கூறப்படுகின்றது.

 எனினும் எதிர்வரும் ஜனாதிபதித் தேர்தல்களில் பொது வேட்பாளராக நிற்கும் தீர்மானம் எதனையும் அவர் எடுக்கவில்லை என்றும் சம்பந்தப்பட்ட வட்டாரங்களை மேற்கோள் காட்டி செய்தி வெளியாகியுள்ளது.