அமெரிக்க தாக்குதலில் ஏமன் நாட்டின் அல்-கொய்தா தலைவர் நசீர் அல் வாஹிசி ( Nasir Al-Wuhayshi) பலி

அமெரிக்க தாக்குதலில் ஏமன் நாட்டின் அல்-கொய்தா தலைவர்

நசீர் அல் வாஹிசி ( Nasir Al-Wuhayshi) பலி

ஏமன் நாட்டில் அமெரிக்க ஆளில்லா விமானம் நடத்திய தாக்குதலில் அல்-கொய்தா இயக்கத்தின் அரேபிய தீபகற்ப தலைவரான நசீர் அல் வாஹிசி( Nasir Al-Wuhayshi)  பலியானதாக அல்-கொய்தா இயக்கம் உறுதிப்படுத்தியுள்ளது.

நசீர் அல் வாஹிசி( Nasir Al-Wuhayshi) பலியானதை அல்-கொய்தா இயக்கம் இன்று உறுதி செய்துள்ளது. எனினும் இது குறித்து கருத்து தெரிவிக்க பெண்டகன் மறுத்துவிட்ட்தாக அறிவிக்கப்படுகின்றது.

அல் கொய்தா இயக்கத்தின் இரண்டாம் நிலை தலைவராக விளங்கிய நசீர் அல் வாஹிசி (Nasir Al-Wuhayshi)  ஒசாமா பின்லேடனின் தனிச்செயலாளராகவும் பணியாற்றியுள்ளார். 2011 ஆம் ஆண்டு ஒசாமா கொல்லப்பட்ட பின், அந்த அமைப்பின் முக்கிய தலைவர் தற்போது கொல்லப்பட்டுள்ளதாக அல் கொய்தா தம்மிடம் கூறியதாக ஏமன் டைம்ஸ் பெண் செய்தியாளர் அமல்-அல்-யாரிசி தெரிவித்துள்ளார்.

நசீர் அல் வாஹிசியின் ( Nasir Al-Wuhayshi)  தலைக்கு அமெரிக்க அரசு 10 மில்லியன் டாலர் சன்மானம் நிர்ணயம் செய்துள்ளதும் குறிப்பிடத்தக்கது.