பம்பரக் கண்ணாலே நடிகை ஆர்த்தி அகர்வால் மரணம்

பம்பரக் கண்ணாலே நடிகை ஆர்த்தி அகர்வால் மரணம்

பம்பரக் கண்ணாலே’ படம் மூலம் தமிழில் நடிகையாக அறிமுகமானவர் ஆர்த்தி அகர்வால். இப்படத்தில் இவர் ஸ்ரீகாந்துக்கு ஜோடியாக நடித்திருந்தார். தமிழில் ஒரு படம் மட்டுமே நடித்தாலும் தெலுங்கில் முன்னணி நடிகையாக வலம் வந்தவர். இவருக்கும் அமெரிக்காவில் வசிக்கும் தொழிலதிபர் உஜ்வால் குமாருக்கும் கடந்த 2007-ல் திருமணம் நடந்தது. இவர் நியூ ஜெர்ஸியில் மரணம் அடைந்ததாக செய்திகள் தெரிவிக்கின்றன.

உடல்  நலக்குறைவு காரணமாக மருத்துவமனையில் அனுமதிக்கப்பட்டிருந்த ஆர்த்தி  அகர்வால் சிகிச்சை பலனின்றி உயிரிழந்தார். இது குறித்த தகவல் அறிந்து தெலுங்கு திரையுலகம் அதிர்ச்சியில் ஆழ்ந்துள்ளது.

அவர் நடித்து வெளியான ரனம் 2 படம் வெள்ளியன்று வெளியான நிலையில், அவர் சனிக்கிழமை மரணம் அடைந்துவிட்டார் என்ற செய்தி தெலுங்கு ரசிகர்களுக்கு பேரதிர்ச்சியாக உள்ளது.

30 வயதே ஆன ஆர்த்தி அகர்வால் மரணத்துக்கு, இணையதளம் மூலம் ஏராளமான இரங்கல் செய்திகள் குவிகின்றன.