மலேசியா அருகே படகு கடலில் கவிழ்ந்ததில் 14 பேர் பலி

மலேசியா அருகே படகு கடலில் கவிழ்ந்ததில்

14 பேர் பலி

மலேசியாவுக்கு அருகே 70 இந்தோனேசியர்களை ஏற்றிக் கொண்டு வந்த படகு கடலில் மூழ்கி விபத்துக்குள்ளானதில், 14 பேர் பலியாகினர் என அறிவிக்கப்படுகின்றது. இறந்தவர்களில் 13 பேர் பெண்கள் ஒருவர் ஆண் என்றும் அதிகாரிகளால் ஊர்ஜிதபடுத்தப்பட்டிருப்பதாகவும் செய்திகள் தெரிவிக்கின்றன. 15பேர் மீட்கப்பட்டனர்.

மற்றவர்களை மீட்கும் பணிகள் நடந்து வருகிறது. இவர்கள் அனைவரும் அகதிகளா என்பது இன்னமும் தெரியவரவில்லை எனவும் அறிவிக்கப்பட்டிருக்கிறது.

மலாகா ஸ்டிரெய்ட் என்ற இடத்தில் வந்து கொண்டிருந்த படகு திடீரென விபத்தில் சிக்கியது. இது குறித்து அப்பகுதியில் மீன்பிடித்துக் கொண்டிருந்தவர்கள் கொடுத்த தகவலை அடுத்து மீட்புக் குழுவினர் சம்பவ பகுதிக்கு விரைந்து மீட்பு நடவடிக்கைகளில் ஈடுபட்டதாக செய்திகள் தெரிவிக்கின்றன.