பம்பலபிட்டி, வெள்ளவத்தை உள்ளிட்ட கொழும்பின் சில பகுதிகளில் நாளை நீர் வெட்டு

பம்பலபிட்டி, வெள்ளவத்தை உள்ளிட்ட

கொழும்பின் சில பகுதிகளில் நாளை நீர் வெட்டு

கொழும்பின் சில பிரதேசங்களில், நாளை (07) சனிக்கிழமை முற்பகல் 9.00 மணி முதல் பிற்பகல் 6.00 மணி வரையான 9 மணி நேரத்திற்கு நீர் வெட்டு அமுலில் இருக்கும் என தேசிய நீர் வழங்கல் மற்றும் வடிகாலமைப்பு சபை அறிவித்துள்ளது.

அவசர மற்றும் அத்தியவசிய பராமரிப்பு நடவடிக்கை காரணமாக இவ்வாறு நீர் வெட்டு அமுல்படுத்தப்படவுள்ளதாக, சபை அறிவித்துள்ளது.

அதற்கமைய, கொழும்பு கோட்டை மாநகர சபைக்குட்பட்ட பிரதேசங்கள் மற்றும் கொழும்பு 05 (நாரஹேன்பிட்ட, ஹெவலொக் டவுன், கிருளப்பனை) ஆகிய பிரதேசங்களில் நீர் வெட்டு அமுல்படுத்தப்பட்டுள்ளது.

அது தவிர, குறித்த கால இடைவெளியில் பம்பலபிட்டி, வெள்ளவத்தை, கறுவாத்தோட்டம் பொரளை (கொழும்பு 04, 06, 07, 08) ஆகிய பிரதேசங்களிலும், மஹரகம, பொரளஸ்கமுவ நகரசபைக்குட்பட்ட பிரதேசங்களிலும் குறைந்த அழுத்தத்திலான நீர் விநியோகம் காணப்படும் எனவும் சபை அறிவித்துள்ளது.

பொதுமக்களுக்கு ஏற்படும் அசௌகரியம் தொடர்பில், தாங்கள் வருந்துவதாக அறிவித்துள்ள சபை, குறித்த பிரதேசத்தில் வசிப்போர், தங்களுக்கு அவசியமான நீரை சேகரித்துக் கொள்ளுமாறும் ஆலோசனை வழங்கியுள்ளனர்.