இந்திய மக்களவையில் 543 பேரில் 20 பேர் மாத்திரமே முஸ்லிம்கள்: உத்தரப் பிரதேசத்திலிருந்து ஒருவர்கூட இடம் பெறவில்லை.

இந்திய மக்களவையில் 543 பேரில் 20 பேர் மாத்திரமே முஸ்லிம்கள்

உத்தரப் பிரதேசத்திலிருந்து ஒருவர்கூட இடம் பெறவில்லை.

* இந்தியாவின் 16வது மக்களவையில் முஸ்லிம்கள் 20 பேர் மட்டுமே தேர்ந்தெடுக்கப்பட்டுள்ளனர். இது கடந்த தேர்தல்களைவிட மிகவும் குறைவாகும். 80 எம்.பி.க்கள் கொண்ட உத்தரப் பிரதேசத்திலிருந்து ஒரு முஸ்லிம் கூட மக்களவையில் இடம் பெறவில்லை.

* தற்போதைய மக்களவையின் 12 எம்.பி.க்கள் 30 வயதுக்கு உட்பட்டவர்கள். அதே நேரத்தில் மிகவும் வயதானவர் என்ற பெருமையை 86 வயதாகும் எல்.கே. அத்வானி பெறுகிறார்.

. * மக்களவையின் சபாநாயகராக பாஜகவின் மூத்த தலைவரும் முன்னாள் அமைச்சருமான சுமித்ரா மகாஜன் நியமிக்கப்படலாம் எனத் தெரிகிறது. அவ்வாறு அவர் சபாநாயகரானால், மீரா குமாருக்குப் பிறகு சபாநாயகராகும் 2வது பெண் என்ற பெருமையை பெறுகிறார். மேலும் தொடர்ந்து 2 மக்களவைக்கு பெண்களே சபாநாயகராகப் பணியாற்றிய சிறப்பும் கிடைக்கும். 

* தற்போது தேர்ந்தெடுக்கப்பட்டுள்ள உறுப்பினர்களில் 315 பேர் முதல் முறையாக எம்.பி.யாகியுள்ளனர். கடந்த 30 ஆண்டுகளில் இது அதிகபட்சமாகும். இவர்களில் சிலர் மாநிலங்களவை உறுப்பினராக இருந்துள்ளனர். இருப்பினும் முதல் முறையாக மக்களவைக்கு தேர்ந்தெடுக்கப்பட்டுள்ளனர்.

* கடந்த 30 ஆண்டுகளில் முதல் முறையாக ஒரு கட்சி பெரும்பான்மை பலத்துடன் உள்ளது குறிப்பிடத்தக்கது. மொத்தம் உள்ள 543 இடங்களில் பாஜக 282 இடங்களைக் கைப்பற்றியது. பெரும்பான்மைக்கு 272 இடங்கள் தேவை. பாஜக கூட்டணி கட்சிகள் 54 இடங்களில் வென்றன.

* காங்கிரஸ் கட்சி, 44 தொகுதிகளில் மட்டுமே வென்றது. இதுவரை நடந்த தேர்தல்களில் அக்கட்சி பெற்ற குறைந்தபட்ச இடங்கள் இதுவாகும்.

* ஒரு லட்சத்துக்கும் மேற்பட்ட வாக்குகள் வித்தியாசத்தில் வென்றவர்களின் எண்ணிக்கை 349. மொத்த உறுப்பினர்களின் எண்ணிக்கையில் இது 65 சதவீதம்