உலகக் கிண்ண கால்பந்து போட்டி: இன்றைய ஆட்டங்கள்

உலகக் கிண்ண கால்பந்து போட்டி

இன்றைய ஆட்டங்கள்

உலகக் கிண்ண கால்பந்து போட்டியில் இன்று இரண்டு லீக் ஆட்டங்கள் நடைபெறுகின்றன. முதல் ஆட்டத்தில் மெக்சிக்கோ மற்றும் கமரூன் அணிகளும், உலக சம்பியன் ஸ்பெய்ன் மற்றும் நெதர்லாந்து அணிகளும் மோதுகின்றன.   பிரேசிலில் இடம்பெற்றுவரும் உலகக் கிண்ண கால்பந்து போட்டியில் 32 அணிகள் பங்கேற்றுள்ளன. 8 பிரிவாக பிரிக்கப்பட்டுள்ளன. ஒவ்வொரு அணியும் தங்கள் பிரிவில் உள்ள மற்றய அணிகளுடன் தலா ஒரு முறை மோத வேண்டும். லீக் முடிவில் ஒவ்வொரு பிரிவிலும் முதல் இரு இடங்களை பிடிக்கும் அணிகள் நொக் அவுட் என்ற 2ஆவது சுற்றுக்கு முன்னேறும்.   போட்டியின் 2ஆவது நாளான இன்று சால்வடோர் நகரில் இடம்பெறும் 'பி" பிரிவு லீக் ஆட்டத்தில் நடப்பு சம்பியன் ஸ்பெயினும், நெதர்லாந்தும் பலப்பரீட்சை நடத்துகின்றன. லீக் சுற்றில் பரபரப்பாக இருக்கும் என்று கணிக்கப்பட்டுள்ள ஆட்டங்களில் இதுவும் ஒன்றாகும்