கல்முனை, பொத்துவில் தொகுதிகளில் புதி­ய­வர்­களையே வேட்­பா­ளர்­க­ளாகக் கள­மி­றக்க வேண்டும் முஸ்லிம் காங்­கிரஸ் தலைவரிடம் அடி­மட்ட போரா­ளி­கள் கோரிக்கை

கல்முனை, பொத்துவில் தொகுதிகளில்

புதி­ய­வர்­களையே வேட்­பா­ளர்­க­ளாகக் கள­மி­றக்க வேண்டும்

முஸ்லிம் காங்­கிரஸ் தலைவரிடம்  அடி­மட்ட போரா­ளி­கள் கோரிக்கை

அம்­பாறை மாவட்­டத்தின் பொத்­துவில், கல்­முனை, சம்­மாந்­துறை ஆகிய தொகு­தி­களில் மக்களின் விருப்பத்திற்கு ஏற்ப மக்களுக்கு முழு நேரமும் சேவை செய்யக்கூடிய சுறுசுறுப்பானவர்களாகவும், கல்வித்திறன், சமார்த்தியம், நாகரிகம் ஆளுமை கொண்ட புதி­ய­வர்­களை வேட்­பா­ளர்­க­ளாக நிறுத்­து­வ­தற்கு முஸ்லிம் காங்­கிரஸ் தலைமை நட­வ­டிக்கை எடுக்­க­ வேண்­டு­மெனக் கோரிக்கை விடுக்­கப்­பட்­டுள்­ளது.

அம்­பாறை மாவட்­டத்தின் முஸ்லிம் பிர­தே­சங்­களில் விநி­யோ­கிக்­கப்­பட்­டுள்ள துண்டுப்பிர­சு­ர­மொன்றில் இக்­கோ­ரிக்கை வலி­யு­றுத்­தப்­பட்­டுள்­ள­துடன் பத­வியின் அதி­கா­ரத்­தினை மக்­க­ளுக்­காகப் பயன்­ப­டுத்தத் தவ­றி­ய­வர்­களை ஓரங்­கட்ட வேண்­டு­மென்றும் அதில் கோரப்­பட்­டுள்­ளது. “முஸ்லிம் காங்ரஸ் தலை­மைத்­து­வத்­திற்கோர் அன்­பான வேண்­டுகோள்” எனும் தலைப்பில் “முஸ்லிம் காங்­கி­ரஸை நேசிக்கும் அஷ்ரப் அபி­மா­னிகள்” எனும் பெயரில் இந்த துண்டுப்பிர­சுரம் வெளி­யி­டப்­பட்­டுள்­ளது.

இத் துண்­டுப்­பி­ர­சு­ரத்தில் தெரி­விக்­கப்­பட்­டுள்­ள­தா­வது,

எதிர்­வரும் பொதுத் தேர்­தலில் சவால் மிக்­க­தொரு தேர்தல் கள­மாக அம்­பாறை மாவட்­டம் அமையும் என்­பதில் எவ்­வித சந்­தே­கமும் இல்லை. யாரை கள­மி­றக்­கினால் வாக்­கா­ளர்­களைக் கவ­ரலாம்? அதி­கூ­டிய பாரா­ளு­மன்ற உறுப்­பி­னர்­களை வென்­றெ­டுக்­கலாம் என்­பதில் கட்­சி­க­ளுக்­கி­டையில் பெரும் பர­ப­ரப்பு நிலை காணப்­ப­டு­கின்­றது. குறிப்­பாக, முஸ்­லிம்கள் மத்­தியில் அதி­கூ­டிய செல்­வாக்கு மிக்க கட்­சி­யான காங்­கி­ர­ஸிலும் இந்­நிலை மேலோங்­கி­யுள்­ளது.

முஸ்­லிம்கள் ஒன்­று­பட வேண்டும்; ஒரு கொடியின் கீழ் இணைக்­கப்­பட வேண்டும்; அதன் மூலம் ஒரு அர­சியல் பலம் இச் சமூ­கத்தில் நிலை ­நி­றுத்­தப்­பட வேண்டும் என்­பதை நோக்­காகக் கொண்டு மறைந்த தலைவர் அஷ்ரப் இக்­கட்­சியை ஸ்தாபித்து வெற்றி கண்ட வர­லாற்றை மீளவும் மீட்டிப் பார்க்க வேண்­டிய தேவை இல்லை.

இருப்­பினும், தலைவர் அஷ்­ரப்பின் மர­ணத்தின் பின் முஸ்லிம் காங்­கி­ரஸை நம்பி வாக்­க­ளித்த மக்கள் அக்­கட்­சியின் மக்கள் பிர­தி­நி­தி­களால் பல்­வேறு விட­யங்­களில் ஏமாற்­றப்­பட்­டமை, அவர்­களின் வினைத் தி­ற­னற்ற செயற்­பா­டுகள் என்­பன முஸ்லிம் காங்­கி­ர­ஸினை பல­வீ­னப்­ப­டுத்தும் வகையில் அமைந்­துள்­ளன.

அண்மைக் காலங்­களில் தொடர்ச்­சி­யாகத் தெரிவுசெய்­யப்­பட்ட பாரா­ளு­மன்ற உறுப்­பி­னர்கள் வாக்­க­ளித்த மக்­க­ளுக்கு ஒன்­றுமே செய்யமுடி­யாத கையா­லா­காத நிலையில் தங்­க­ளது பத­வி­களை மாத்­திரம் அலங்­க­ரித்துக்கொண்டு செயற்­பட்­டி­ருக்­கின்­றார்கள் என்­பதை இப்­பி­ர­தே­சங்­க­ளி­லுள்ள பாதை­க­ளையும் பாட­சா­லை­க­ளையும் அவ­தா­னிக்கும் போது காண­மு­டி­கி­ன்றது.

இந்­நி­லையில், முஸ்லிம் காங்­கிரஸ் மற்­று­மொரு பொதுத்தேர்­தலை சந்­திக்­க­வுள்­ளது. இத்­தேர்­தலில் பலரும் களத்தில் குதிக்­க­வுள்ள நிலையில் முஸ்லிம் காங்­கி­ரஸின் ஊடாக எவர்­களை தலைவர் அம்­பாறை மாவட்­டத்தில் கள­மி­றக்­குவார் என்று அடி­மட்டப் போரா­ளிகள் எதிர்­பார்த்துக் கொண்­டி­ரு­கின்­றனர். இத் தேர்­தலில் புதி­ய­வர்­களை வேட்­பா­ளர்­க­ளாகக் கள­மி­றக்க வேண்டும் என்­பதே ஸ்ரீலங்கா முஸ்லிம் காங்­கிரஸ் அடி­மட்ட போரா­ளி­களின் விருப்­ப­மாகும்.

குறிப்­பிட்ட நபர்­க­ளுக்குத் தொடர்ச்­சி­யாக தேர்­தலில் போட்­டி­யிட சந்­தர்ப்பம் வழங்கி அவர்கள் வெற்றிபெற்ற பின் மக்­களின் தேவை­களை அறிந்து செயற்­பட தவ­று­வ­தனால் மக்கள் அவர்கள் மீது வெறுப்புக்கொண்டுள்ளதோடு அவர்கள் மீதான நம்­பிக்­கையையும் இழந்­துள்­ளனர். இந்த நிலை­மை­யினை அம்­பாறை மாவட்­டத்தில் காணக்­கூ­டி­ய­தாக உள்­ளது என்­பதை தலை­மைத்­து­வத்­திற்கு சுட்­டி­காட்ட விரும்­பு­கின்றோம்.

தமது பத­வியின் அதி­கா­ரத்­தினை எவ்­வாறு பயன்­ப­டுத்த முடியும் என்று விளங்­கிக்­கொள்ள முடி­யாத மக்­க­ளி­டையே செல்­வாக்கிழந்த, மக்­க­ளது விமர்­ச­னத்­துக்கு ஆழா­கி­யுள்­ள­வர்­களை மீண்டும் வேட்­பா­ளர்­க­ளாக 2015 பொதுத் தேர்­தலின் முஸ்லிம் காங்­கிரஸின் தலைவர், குறிப்­பாக பொத்­துவில் மற்றும் கல்­முனை தொகு­தி­களின் கள­மிறக்­கு­வா­ராயின் இவ்­விரு தொகு­தி­களின் பிர­தி­நி­தித்­துவத்தை நிச்­சயம் முஸ்லிம் காங்­கிரஸ் இழக்கும் என்­பதில் எவ்­வித சந்­தே­கமும் இல்லை.

மக்­க­ளுடன் முகம் பார்த்து பேச­மு­டி­யாத, எதையும் சிந்­தித்துச் செயற்­பட முடி­யாத, முற்­போக்கு சிந்­த­னை­யற்ற, தமது பத­வியின் அதி­கா­ரத்­தினை மக்­க­ளுக்­காக பயன்­ப­டுத்தத் தவ­றி­ய­வர்­களை தவிர்த்து, அவர்­களை ஓரங்­கட்­டி­விட்டு மக்­க­ளுடன் மக்­க­ளாக செயற்­பட்டு, எம்­மொ­ழி­யிலும் உரி­ய­வர்­க­ளுடன் பேசி, மக்களின் பிரச்சினைகளை சாணக்கியமான முறையில் தீர்த்துவைக்கக் கூடிய, சமூகப் பொறுப்பும் சிந்தனையும் மிக்க ஆளுமை கொண்ட புதியவர்களை அம்பாறை மாவட்டத்தின் பொத்துவில், கல்முனை மற்றும் சம்மாந்துறை தொகுதிகளில் முஸ்லிம் காங்கிரஸின் ஊடாக களமிறக்கி பிரதிநிதித்துவங்களைக் காப்பாற்ற முஸ்லிம் காங்கிரஸ் தலைமைத்துவம் நடவடிக்கை எடுக்க வேண்டும் என்பதை மிகவும் தாழ்மையுடனும் பொறுப்புடனும் தெரிவித்துக் கொள்ள விரும்புகிறோம்.” என அத் துண்டுப் பிரசுரத்தில் தெரிவிக்கப்பட்டுள்ளது.