கல்முனை மஹ்மூத் மகளிர் கல்லூரியின் வருடாந்த இல்ல விளையாட்டுப் போட்டிகள்

கல்முனை மஹ்மூத் மகளிர் கல்லூரியின்

வருடாந்த இல்ல விளையாட்டுப் போட்டிகள்

(Azhar Ibrahim)

கல்முனை மஹ்மூத் மகளிர் கல்லூரியின் வருடாந்த இல்ல விளையாட்டுப் போட்டி கடந்த 12 ஆம் திகதி வெள்ளிக்கிழமை கல்லூரி மைதானத்தில் கல்லூரி அதிபர் திருமதி எஸ்.ஏ.லியாகத் அலி தலைமையில் இடம்பெற்றது.

வர்தா ( சிவப்பு ) இல்லம் முதலாம் இடத்தையும் , நிஸ்ரின் ( மஞ்சள் ) இல்லம் இரண்டாம் இடத்தையும் , ஜெஸ்மின் ( பச்சை ) இல்லம் மூன்றாம் இடத்தையும் ,சபரன் ( நீலம் ) இல்லம் நான்காம் இடத்தையும் பெற்றுக் கொண்டன.

பெரும் திரளாக பெற்றோரும் , பழைய மாணவிகளும் , பாடசாலை மாணவிகளும் , ஆசிரியர்களும் கலந்து கொண்ட மேற்படி இல்ல விளையாட்டுப் போட்டிக்கு கல்முனை வலய கல்விப் பணிபபாளர் எம்.எஸ்.அப்துல் ஜலீல் பிரதம அதிதியாகவும் , கல்முனை வலய பிரதி கல்விப் பணிப்பாளர் எஸ்.எல்.அப்துல் றஹீம் கௌரவ அதிதியாகவும் முன்னாள் அதிபர்களான அல்ஹாஜ் ஐ.எல்.ஏ.மஜீட் , திருமதி என்.எம்.சலீம் ஆகியோர் விசேட அதிதிகளாகவும் கலந்து கொண்டனர்.

இல்ல விளையாட்டுப் போட்டியினை கல்முனை வலய உடற்கல்வி உதவி பணிப்பாளர் அல்ஹாஜ் ஏ.ஏ.சத்தார் உத்தியோகபுர்வமாக ஆரம்பித்து வைத்தார்.

மாணவிகளின் அணிநடை , உடற்பயிற்சி கண்காட்சிகளும் இடம்பெற்றன.