சம்மாந்துறையில் காட்டுயானைகள் அட்டகாசம் பாதுகாப்பை உறுதிப்படுத்த வேண்டும் என மக்கள் வேண்டுகோள்

சம்மாந்துறையில் காட்டுயானைகள் அட்டகாசம்

பாதுகாப்பை உறுதிப்படுத்த  வேண்டும் என

மக்கள் வேண்டுகோள்

சம்மாந்துறை, கல்லரிச்சல் பகுதியில் இன்று (03) அதிகாலை காட்டு  யானைகள் பொதுமக்கள் வசிக்கும் பகுதிகளில் உள்நுழைந்து  வீடுகள்  மற்றும்  உடமைகளுக்கு சேதம் விளைவித்துள்ளதாக அறிவிக்கப்படுகின்றது.

                                                                                                                                              

இதன்போது யானையின் தாக்குதலுக்கு ஒருவர் இலக்காகியுள்ளதை தொடர்ந்து, சிகிச்சைக்காக வைத்தியசாலையில் அனுமதிக்கப்பட்டுள்ளார் என்றும் கூறப்படுகின்றது.

இவ்வாறு யானைகள் திடீரென நுழைந்து சுவர்களை உடைத்தும் சேதப்படுத்தியுள்ளன.அத்தோடு காட்டு யானை,சம்மாந்துறை மஸ்ஜிதுல் சலாம் ஜும்ஆ பள்ளிவாசல் மதிலினையும் சேதப்படுத்தியுள்ளது .

 இது விடயத்தில் உரிய அதிகாரிகள்  நடவடிக்கை மேற்கொண்டு மக்களின் பாதுகாப்பை உறுதிப்படுத்த   வேண்டும் என வேண்டுகோள் விடுக்கப்படுகின்றது.