10 வயதில் பள்ளிப்படிப்பை முடித்து சிறுவன் சாதனை!

10 வயதில் பள்ளிப்படிப்பை முடித்து

சிறுவன் சாதனை!

அமெரிக்காவில் கலிபோர்னியாவில் சாக்ரமெண்டோ என்ற இடத்தில் வசித்து வருபவர் தானிஷ்க் ஆபிரகாம்.. மழலை மேதையாகத் திகழ்கிறார்.

 10 வயதான இவர் பள்ளிப்படிப்பை முடித்து, தேர்வு எழுதி வெற்றி பெற்று டிப்ளமோ பெற்று விட்டார். இது அமெரிக்காவில் மிகப்பெரிய சாதனையாக கருதப்படுகிறது. 7 வயது முதல் வீட்டில் இருந்தபடியே படித்து வருகிறார்.

கடந்த மார்ச் மாதம் நடைபெற்ற உயர்நிலைப்பள்ளி பொதுத்தேர்வில் வெற்றி பெற்ற அவருக்கு, அதற்கான பட்டம் கடந்த ஞாயிற்றுக்கிழமை வழங்கப்பட்டது. இதுகுறித்து அந்த மாணவர் கூறியதாவது:

 ‘‘ இது எளிதான ஒன்றல்ல. நான் கடுமையாக முயற்சி செய்தேன். கடைசியில் நான் உயர்நிலைப் பள்ளிப்படிப்பில் வெற்றி பெற்றிருப்பது எனக்கு மிகுந்த மகிழ்ச்சியை அளிக்கிறது. நான் அடுத்து சமுதாயக் கல்லூரியில் சேர்ந்து படிப்பேன். அதன்பின்னர் பல்கலைக்கழகத்தில் உயர்படிப்பு படிப்பேன். எதிர்காலத்தில் விஞ்ஞானி அல்லது டாக்டர் ஆக ஆசைப்படுகிறேன். ஆனால் பின்னாளில் அமெரிக்க ஜனாதிபதி தேர்தலில் போட்டியிடவும் விரும்புகிறேன்’’ என்று தெரிவித்துள்ளார்.

இவர் இந்திய வம்சாவளி மாணவர் என்பது குறிப்பிடத்தக்கது.