அமைதி நாடுகள் பட்டியலில் ஐஸ்லாந்து நாட்டுக்கு முதலிடம்

அமைதி நாடுகள் பட்டியலில்

ஐஸ்லாந்து நாட்டுக்கு முதலிடம்

அமைதி நாடுகள் பட்டியலில் ஐஸ்லாந்து நாடு முதலிட்த்தைப் பிடித்துள்ளது., 

அமைதியான நாடுகள் குறித்த பட்டியலை ஆண்டுதோறும் உலக பொருளாதார மற்றும் அமைதி நிறுவனம் வெளியிட்டு வருகிறது. நேற்று வெளியிடப்பட்ட 2015-ம் ஆண்டுக்கான பட்டியலில் 163 நாடுகள் கணக்கில் எடுத்துக் கொள்ளப்பட்டு இருந்தன.

இந்த பட்டியலில் மிகவும் அமைதியான நாடு என்ற பெருமையை ஐஸ்லாந்து தட்டிச் சென்றது. அந்த நாட்டுக்கு முதலிடமும், டென்மார்க்கிற்கு 2-வது இடமும், ஆஸ்திரியாவுக்கு 3-வது இடமும் கிடைத்தன.

இலங்கை 97வது இடத்திற்கு முன்னேறியுள்ளது.கடந்த வருடம் இந்த பட்டியலில் இலங்கை 114வது இடத்தை பெற்றிருந்ததுடன் அதற்கு முன்னர் 105வது இடத்தை பெற்றிருந்தது.

அதனடிப்படையில், இலங்கை 17 இடங்கள் முன்னேறியுள்ளமை விசேட அம்சமாகும். 

அமைதி மிகவும் குறைந்த நாடாக உள்நாட்டு போர் நடக்கும் சிரியா உள்ளது. அந்த நாடு கடைசி இடத்தை(163) பிடித்தது. சோமாலியா(159), ஈராக்(161), தெற்கு சூடான்(162) ஆகிய நாடுகளும் பின்வரிசையில் உள்ளன.

தெற்காசிய நாடுகளில் பாகிஸ்தானுக்கு 153-வது இடமும், ஆப்கானிஸ்தானுக்கு 160-வது இடமும் கிடைத்து இருக்கிறது. இந்தியாவுக்கு 141-வது இடம் கிடைத்து இருக்கிறது தெற்காசியாவில் சிறந்த இடத்தை (13) பூடான் பிடித்தது.