சாவகச்சேரியில் கோரவிபத்து சம்பவ இடத்தில் 10 பேர்பலி!

சாவகச்சேரியில் கோரவிபத்து

சம்பவ இடத்தில் 10 பேர்பலி!

சாவகச்சேரி சங்கத்தானைப் பகுதியில் சற்றுமுன்னர் இடம்பெற்ற விபத்தில்  10 பேர் சம்பவ இடத்திலேயே  பலியாகியுள்ளனர்.

மஹரகமவிலிருந்து யாழ்ப்பாணம் நோக்கி சுற்றுலாவுக்காக 14 சிங்களவர்களை ஏற்றிச் சென்ற ஹயஸ் வாகனமும் யாழிலிருந்து வவுனியா நோக்கி பயணித்த இ.போ.ச பஸ்ஸும் ஒன்றுக்கொன்று நேருக்கு நேர் மோதியதிலேயே குறித்த விபத்து இடம்பெற்றது.

குறித்த ஹயஸ் வானின் டயரில் காற்று போயுள்ளதால், வீதியை விட்டு விலகி அரச பஸ்ஸுடன் மோதியுள்ளது.

சுற்றுலா வாகனத்தில் பயணித்த, 3 பெண்களும் 7 ஆண்களும் சம்பவ இடத்திலேயே  உயிரிழந்துள்ளதாகவும், அதில் பயணித்த ஏனைய மூன்றுபேர், படுகாயமடைந்த நிலையில், சாவகச்சேரி வைத்தியசாலையில் சிகிச்சைக்காக அனுமதிக்கப்பட்டு, பின்னர், யாழ். போதான வைத்தியசாலைக்கு மாற்றப்பட்டுள்ளனர். அத்துடன் இலங்கைப் போக்குவரத்துச் சபைக்குச் சொந்தமான பஸ்ஸில்  பயணித்த  17 பேர் காயமடைந்துள்ளனர்.

இறந்தவர்களின் சடலங்கள் யாழ் போதனா வைத்தியசாலைக்கு கொண்டு செல்லப்பட்டுள்ளது.மேலதிக விசாரணைகளை சாவ கச்சேரி பொலிசார் மேற்கொண்டு வருகின்றனர்.