11 தங்கம்! 61 பதக்கங்கள்! தெற்காசிய போட்டிகளில் இலங்கை 2ம் இடத்தில்

11 தங்கம்! 61 பதக்கங்கள்!

தெற்காசிய போட்டிகளில் இலங்கை 2ம் இடத்தில்

இந்தியாவின் குவாஹாத்தியில் இடம்பெற்று வரும் 12 வது தெற்காசிய போட்டிகளில், இன்றைய தினம் இலங்கைக்கு மற்றுமொரு தங்கப் பதக்கத்தை கிமிகோ ரஹீம் பெற்றுக்கொண்டார்.

இந்தியாவின் குவாஹாத்தியில் இடம்பெற்று வரும் 12வது தெற்காசிய போட்டிகளில், இன்றைய தினம் (08) இலங்கைக்கு மற்றுமொரு வெள்ளிப் பதக்கம் கிடைத்துள்ளது.

பெண்களுக்கான 75 கிலோகிராம் எடை பிரிவிற்குட்பட்ட பழு தூக்கல் போட்டியில், இலங்கையைச் சேர்ந்த அசினி சுரங்கி இரண்டாம் இடத்தைப் பெற்றதன் மூலம் அப்பதக்கத்தை பெற்றுக்கொண்டார்.

100 மீற்றர் நீச்சல் போட்டியில் (Back Stroke) மற்றுமொரு தங்கப் பதக்கத்தை இலங்கை சார்பில் கிமிகோ ரஹீம் இன்றைய தினம் பெற்றுக்கொண்டார்.

ஏற்கனவே இப்போட்டியின் 200 மீற்றர் பிரிவிலும் கிமிகோ ரஹீம் தங்கப் பதக்கம் பெற்றமை குறிப்பிடத்தக்கது.

இதன் அடிப்படையில் 11 தங்கம், 27 வெள்ளி, 23 வெண்கல பதக்கங்களுடன் மொத்தமாக 61 பதக்கங்களை பெற்றுள்ள இலங்கை இரண்டாம் இடத்தில் உள்ளது.

48 தங்கம், 18 வெள்ளி, 6 வெண்கல பதக்கங்களுடன் மொத்தமாக 72 பதக்கங்கள் பெற்றுள்ள இந்தியா தொடர்ந்தும் முதல் இடத்தில் உள்ளமை குறிப்பிடத்தக்கது.