வெல்லம்பிட்டி பிரதேசத்தில் துப்பாக்கிச் சூடு 3 பேர் பலி

வெல்லம்பிட்டி பிரதேசத்தில் துப்பாக்கிச் சூடு

3 பேர் பலி

வெல்லம்பிட்டிய 20 வீட்டுத்திட்ட பகுதியில் மூவர், நேற்று நள்ளிரவு  சுட்டுக் கொலை  செய்யப்பட்டுள்ளனர் என்று பொலிஸார் தெரிவித்துள்ளனர். 19, 24 மற்றும் 49 வயதுடைய மூவரே இந்த சம்பவத்தில் உயிரிழந்துள்ளதாக பொலிஸார் தெரிவித்துள்ளனர். துப்பாக்கிப் பிரயோகத்தில் பலத்த காயங்களுக்குள்ளான மூவரும், தேசிய வைத்தியசாலையில் அனுமதிக்கப்பட்ட பின்னர் உயிரிழந்துள்ளனர்.

 மோட்டார் சைக்கிளில் வந்தவர்கள்,  துப்பாக்கிச் சூடு நடத்தியுள்ளார்கள். இந்த சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.

மரணித்தவரின் மனைவியின் வாக்குமூலம்

நான் முஸ்லிம், எனது பெயர் சப்னா பேகம், டில்ஷான் எனும் சிங்கள நபரை திருமணம் முடித்துள்ளேன், நேற்றிரவு மோட்டார் சைக்கிளில் வந்தவர்கள், பொலிஸார் எனக்கூறி வீட்டை திறந்து எனது கணவைரை சுட்டு கொன்று விட்டார்கள். முஹமட் றிஸ்மி எனும் எனது தந்தைக்கும் காயம். நாங்கள் புளுமெண்டல் பகுதியை சேர்ந்தவர்கள்.

-சப்னா பேகம்