கிறிஸ்தவ ஆலயத்தில் குண்டு வெடித்து 25 பேர் பலி!

கிறிஸ்தவ ஆலயத்தில் குண்டு வெடித்ததில், பெண்கள், குழந்தைகள் உட்பட, 25 பேர் இறந்தனர். 50க்கும் மேற்பட்டோர் படுகாயம் அடைந்தனர். இச் சம்பவம் எகிப்து நாட்டில் இடம்பெற்றுள்ளது

எகிப்தில், 10 சதவீதம் கிறிஸ்தவர்கள் வசிக்கின்றனர். தலைநகர் கெய்ரோ அருகே, அப்பாசியா நகரில் உள்ள கதீட்ரல் ஆலயத்தில், நேற்று காலை, சிறப்பு பிரார்த்தனை நடந்து கொண்டிருந்தது. அப்போது, பயங்கர சத்தத்துடன் குண்டு வெடித்தது. இதில், பெண்கள், குழந்தைகள் உட்பட, 25 பேர் இறந்தனர். 50க்கும் மேற்பட்டோர், படுகாயம் அடைந்தனர். அவர்கள், மருத்துவமனையில் சேர்க்கப்பட்டுள்ளனர்.

ஆலயத்தில், பெண்கள் இருந்த பகுதியில் தான் குண்டு வெடித்தது. 'ரிமோட்' மூலம் குண்டு வெடிக்கப்பட்டுள்ளது. குண்டு வெடிப்பில், ஆலயம் சேதம் அடைந்தது'என பொலிஸார் தெரிவித்துள்ளனர்.

இந்த குண்டு வெடிப்புக்கு, இதுவரை எந்த பயங்கரவாத அமைப்பும் பொறுப்பேற்கவில்லை.