அட்டாளைச்சேனை பிரதான வீதியில்
மோட்டார் சைக்கிள் மோதி
2 பேர் மரணம்
அட்டாளைச்சேனை பிரதான வீதியில் இன்று 20 ஆம் திகதி ஞாயிற்றுக்கிழமை
காலை இடம்பெற்ற மோட்டார் சைக்கிள் விபத்தில் 2 பேர் உயிரிழந்துள்ளதாக அறிவிக்கப்படுகின்றது.
அட்டாளைச்சேனை பிரதேசத்தைச் சேர்ந்த உதுமான் கண்டு அப்துல் றஸீட் என்ற 68 வயதுடையவரும் திருக்கோவில் பிரதேசத்தில்
இருந்து வேகமாக மோட்டார் சைக்கிளில் பயணித்த ஒருவரும் இவ்விபத்தில் உயிரிழந்துள்ளனர்.
திருக்கோவில் பிரதேசத்தில் இருந்து ஒலுவில் நோக்கி வேகமாக சென்ற
மோட்டார் சைக்கிளொன்று, வீதியை கடக்க முற்பட்ட வயோதிபரை மோதியதிலேயே இவ்விபத்து இடம்பெற்றுள்ளதாக
தெரியவருகின்றது.
மோட்டார் சைக்கிளில் பயணித்த இரண்டு இளைஞர்களில் மற்றொருவர்
காயமடைந்த நிலையில் அக்கரைப்பற்று ஆதார வைத்தியசாலையில் அனுமதிக்கப்பட்டுள்ளார்
இச்சம்பவம் தொடர்பிலான மேலதிக விசாரணைகளை அக்கரைப்பற்று பொலிஸார்
மேற்கொண்டு வருகின்றனர்
.
0 comments:
Post a Comment