அஞ்சலிக்காக வைக்கப்பட்டுள்ள எஸ்.ஏ.ஐ.மத்தியுசின் பூதவுடல் இன்று மாலை நல்லடக்கம் செய்யப்படும்

அஞ்சலிக்காக வைக்கப்பட்டுள்ள எஸ்.ஏ.ஐ.மத்தியுசின் பூதவுடல்

இன்று மாலை நல்லடக்கம் செய்யப்படும்

கல்முனை பிரதேச சகல இன மக்களினதும் நன்மதிப்பைப் பெற்றிருந்தவரும் பிராந்தியத்தில் போற்றத்தக்க கல்விமானாக விளங்கியவருமான ஒய்வு பெற்ற முன்னாள் அக்கரைப்பற்று வலயக் கல்விப் பணிப்பாளரும் கல்முனை கார்மேல் பற்றிமா தேசிய பாடசாலை முன்னாள் அதிபருமான அருட் சகோதரர் எஸ்.ஏ.ஐ.மத்தியுசின் பூதவுடல் இன்று (07.06.2016) மாலை கல்முனை சேமக்காலையில் நல்லடக்கம் செய்யப்படும்

அருட்சகோதரர் எஸ்.ஐ .மத்தியு நேற்று (06.05.2016) இறையடி சேர்ந்துள்ளார்.

நீண்ட காலமாக நோய் வாய்ப்பட்டிருந்த அவர் நேற்று கல்முனை வடக்கு ஆதார வைத்தியசாலையில் சிகிச்சை பெற்று வந்த நிலையில் சிகிச்சை பலனின்றி மரணமடைந்துள்ளார்.

இன்று காலை அன்னாரது இல்லத்தில் இருந்து நீதிமன்ற வீதி வழியாக கார்மேல் பற்றிமா தேசிய பாடசாலைக்கு மாணவர்களின் பேண்ட் வாத்திய மரியாதையுடன் அன்னாரின் பூதவுடல் எடுத்து செல்லப்பட்டு கல்லூரி ஆசிரியர்கள் மாணவர்களின் அஞ்சலிக்காக வைக்கப்பட்டுள்ளது.

இன்று பிற்பகல் 3.30 மணிக்கு பூதவுடல் கல்முனை திரு இருதயநாதர் ஆலயத்துக்கு எடுத்துச் செல்லப்பட்டு மாலை 4.00 மணிக்கு ஆலயத்தில் இருந்து கல்முனை நகர் ஊடாக மரியாதை ஊர்வலமாக பூதவுடல் மயானத்துக்கு எடுத்து செல்லப்பட்டு அடக்கம் செய்யப்படவுள்ளது.