அசாத்தியமான சந்தர்ப்பம் ( கவிதை )

அசாத்தியமான சந்தர்ப்பம் ( கவிதை )

அசாத்தியமான சந்தர்ப்பம்  

வான்கோவின் செம்மஞ்சள் வயல்களில்
அலைகிறது வெட்டுக்கிளி

ஏதோ ஒரு அசாத்தியமான சந்தர்ப்பம்
சூனியத்தின் உள்ளரன்களை
தகர்த்து பொடியாக்குகின்றது

அறுவடையான நிலங்களின் மேல்
உருக்கப்படும் செம்புக் குழைவு
கசிந்துருகிட….
நிறக்குடுவைகளில் தழும்புகின்ற
கூர்மையான விதி
தனித் தனியானதாக
வைக்கப்பட்டிருக்கின்றன

கண் இமைகளுக்கிடையில்
ஆழ் நீலச் சிவப்பின் மரணச் சாயலை
நிரந்தரமாகப் பொருத்தினாய்

தெய்வீகத்தால் பயிற்றப்பட்ட
விலங்கைப்போல்
கால் மடித்து அமர்ந்திருப்பவளை
கண்டும் காணாதவாறு
திரும்பிப் போகிறாய்

அனார் ( இலங்கை)