ஏறாவூர் சர்வோதய வீதியில்
வீடொன்றின் பின்னால் இருந்துஆண் சிசு மீட்பு!
ஏறாவூர் பொலிஸ் பிரிவிற்குட்பட்ட சர்வோதய வீதியில் உள்ள வீடொன்றின் பின்னால் இருந்து நேற்று பிற்பகல் ஆண் சிசு ஒன்று மீட்கப்பட்டு ஏறாவூர் வைத்தியசாலையில் ஒப்படைக்கப்பட்டுள்ளது.
இச் சம்பவம் தொடர்பி்ல் மேலும் தெரியவருவதாவது,
நேற்று பிற்பகல் 3.30 மணி அளவில் ஏறாவூர் சர்வோதய வீதியில் அமைந்துள்ள வீட்டுக்கு பின்புறப் பகுதில் இருந்து தொடர்ச்சியாக குழந்தை ஒன்று அழுகின்ற ஓசை கேட்டுக் கொண்டிருந்ததை தொடர்ந்து அவதானித்த போது அங்கு பிரசவிக்கப்பட்ட நிலையிலே ஆண் சிசு ஒன்று வீசப்பட்டு கிடப்பது அவதானிக்கப்பட்டது.
இதனை அடுத்து துரிதமாக செயற்பட்ட வீட்டின் உரிமையாளர் உடனடியாக சிசுவை எடுத்துக் கொண்டு ஏறாவூர் ஆதார வைத்தியசாலையில் ஒப்படைத்ததுடன் சம்பவம் தொடர்பில் ஏறாவூர் பொலிஸாருக்கும் தெரியப்படுத்தியுள்ளார்.
குழந்தையின் தாய் யார்? குழந்தை எவ்வாறு இவ்விடத்தில் போடப்பட்டது என்பது மர்மமாக உள்ளதாகபிரதேசவாசிகள் தெரிவித்துள்ளனர்.
குறித்த சம்பவம் தொடர்பில் ஏறாவூர் பொலிசார் விசாரணைகளை ஆரம்பித்துள்ளனர்.
0 comments:
Post a Comment