மஹிந்த, நாமல் முகங்கள் பொறித்த 68000 கடிகாரங்கள் மீட்பு

மஹிந்த, நாமல் முகங்கள் பொறித்த

68000 கடிகாரங்கள் மீட்பு

சப்புகஸ்கந்த பொலிஸ் பிரிவிற்குட்பட்ட மாபிம பிரதேசத்தில் உள்ள துறைமுக களஞ்சியசாலை ஒன்றிலிருந்து முன்னாள் ஜனாதிபதி மஹிந்த ராஜபக்ஸ மற்றும் அவருடைய புதல்வரும் நாடாளுமன்ற உறுப்பினருமான நாமல் ராஜபக்ஸ ஆகியோரின் உருப்படங்கள் பொறிக்கப்பட்ட 68 ஆயிரம் சுவர் கடிகாரங்களும் ஜனாதிபதித் தேர்தலுக்காக அச்சிடப்பட்டிருந்த ஒருதொகை போஸ்டர்களும் கைப்பற்றப்பட்டுள்ளன.

பொலிஸாருக்கு கிடைக்கப்பெற்ற இரகசிய தகவலையடுத்து மஹர நீதவான் நீதிமன்றத்தில் பெற்றுக்கொள்ளப்பட்ட சோதனை விறாந்தின் அடிப்படையிலேயே அந்த களஞ்சியசாலை, சோதனைக்கு உட்படுத்தப்பட்டது. குறித்த களஞ்சியசாலையானது துறைமுக அதிகாரியொருவருக்கு 15 இலட்சம் ரூபாய் செலுத்தி குத்தகைக்கு எடுக்கப்பட்டுள்ளதாக ஆரம்ப விசாரணைகளில் தெரியவந்துள்ளதாகத் தெரிவிக்கப்படுகின்றது.

இது தொடர்பான மேலதிக விசாரணைகளை சபுகஸ்கந்த பொலிஸார் மேற்கொண்டு வருகின்றனர் என்று தெரிவிக்கப்படுகின்றது