முன்னாள் ஜனாதிபதியினதும் புதிய ஜனாதிபதியின் நாளாந்த செலவு?

முன்னாள் ஜனாதிபதியினதும்

புதிய ஜனாதிபதியின்  நாளாந்த செலவு?

புதிய ஜனாதிபதி மைத்திரிபால சிறிசேனவின் நாளாந்த செலவு பற்றிய தகவல்கள் வெளியாகியுள்ளது. 2850 ரூபா தொடக்கம்- 8000 ரூபாவரைதான் அவரது நாளாந்த செலவு உள்ளதாம்! ஆச்சிரியமாக இருக்கின்றது அல்லவா?

ஆனால், முன்னாள் ஜனாதிபதி மஹிந்த ராஜபக்ஸவின் ஆடம்பர, ராஜபோக வாழ்க்கை அனைவரும் அறிந்ததுதான். மக்களின் வரிப்பணத்தில் குடும்பமே கும்மாளமடித்து குதூகலித்திரு்தது. மஹிந்தவின் ஒருநாள் செலவு மாத்திரம் 2.6 கோடிக்கும் சற்று அதிகமானது என்பது ஏற்கனவே வெளியாகியிருந்தது.

யுத்தத்தின் பின்னரான வரவு-செலவு திட்டங்களில், மொத்த நிதியில் அரைவாசிப்பங்கு மஹிந்த ராஜபக்ஸ , பசில் ராஜபக்ஸ , கோத்தபாய ராஜபக்ஸ என சகோதரர்கள் மூவரிற்கும் கீழிருந்த அமைச்சுக்களிற்கு ஒதுக்கப்பட்டிருந்தது, இதுமாத்திரமல்லாமல் நாடு பூராவும் தமது கட்-அவுட்களை காட்சிப்படுத்தினார்கள்.

அவர்களின் ஆடம்பர ஆட்சி முடிந்த பின்னர், அந்த ஆடம்பர செலவினங்கள் எல்லாம் குறைந்துவிட்டது. மைத்திரியின் பதவியேற்பு செலவு வெறும் 6300 ரூபாய்தான் என்றும் அறிவிக்கப்பட்டது.