சென்னை வெள்ள நிவாரண நிதிக்கு ரூ.1 கோடி நடிகர் ஷாரூக்கான் அறிவிப்பு

வெள்ள நிவாரண நிதிக்கு ரூ.1 கோடி

நடிகர் ஷாரூக்கான் அறிவிப்பு

சென்னை வெள்ள நிவாரணத்துக்கு ரூ.1 கோடி(இந்திய ரூபாய்) நிதி உதவி அளிப்பதாக பிரபல ஹிந்தி நடிகரும், கொல்கத்தா நைட் ரைடர்ஸ் அணியின் உரிமையாளருமான ஷாரூக்கான் தெரிவித்துள்ளார்.

இதுகுறித்து அவர் தமிழக முதல்வர் ஜெயலலிதாவுக்கு எழுதியுள்ள கடிதத்தில், சென்னையில் பெய்த கனமழையால் பலத்த சேதம் ஏற்பட்டு பாதிக்கப்பட்டுள்ளதை அறிந்து வேதனை அடைகிறேன்.

அதே நேரம், இந்த சோதனையும் துயரமும் மிக்க தருணத்தில் சென்னை மக்களின் அமைதியும், ஒருவருக்கொருவர் உதவிக் கொண்டு கடுமையான சூழலிருந்து மேலெழுந்து வரும் பாங்கும் எங்களை பெருமைப்பட வைக்கிறது.

இந்தத் துயரிலிருந்து மக்களை காக்க அரசின் உதவிகளையும், நடவடிக்கைகளையும், தொண்டு உள்ளம் கொண்டோரின் செயல்களையும் பாராட்டுகிறோம்.

சென்னை மக்களின் துயர் துடைக்க எங்கள் ரெட் சில்லி நிறுவனம் மற்றும் தில்வாலே படக்குழுவின் சார்பாக ரூ 1 கோடியை வழங்குகிறோம். தயவு செய்து இந்தத் தொகையை ஏற்குமாறு கேட்டுக் கொள்கிறோம் என்று குறிப்பிட்டுள்ளதாக தகவல்கள் வெளியாகி உள்ளது.