இன்று 12 ஆம் திகதி ரஜினியின் பிறந்தநாள் ரசிகர்கள் வாழ்த்து!

இன்று 12ஆம் திகதி ரஜினியின் பிறந்த நாள்

ரசிகர்கள் வாழ்த்து!

இன்று 12 ஆம் திகதி ரஜினியின் 65-வது பிறந்தநாள். இதற்காக அவருடைய ரசிகர்களும் திரையுலகினரும் வாழ்த்துகளைத் தெரிவித்த வண்ணம் உள்ளார்கள் என அறிவிக்கப்படுகின்றது.

சென்னையில் பெய்த கனமழையால் மக்களின் இயல்பு வாழ்க்கை பாதிக்கப்பட்ட நிலையில் தனது ரசிகர்கள், நிவாரணப் பணிகளில் ஈடுபடவேண்டும். எனவே டிசம்பர் 12 அன்று தனது பிறந்தநாளைக் கொண்டாடுவதற்குப் பதிலாக மழையால் பாதிக்கப்பட்ட மக்களுக்கு உதவி செய்யவேண்டும் என தன் ரசிகர்களுக்கு ரஜினி  ஏற்கனவே வேண்டுகோள் ஒன்றை விடுத்திருந்தார்.

 இந்நிலையில் சமூகவலைத்தளம் வழியாக ரஜினி ரசிகர்கள், ரஜினிக்குப் பிறந்தநாள் வாழ்த்துகளைத் தெரிவித்து வருகிறார்கள். திரையுலகினரும் ரஜினிக்குப் பிறந்தநாள் வாழ்த்துகளைத் தெரிவித்துள்ளார்கள். சென்னை வெள்ளத்தால் பெரிய அளவில் பிறந்தநாள் கொண்டாட்டங்கள் இல்லாவிட்டாலும் ரஜினிக்கு ஏராளமான வாழ்த்துகள் குவிந்து வருகின்றன எனத் தெரிவிக்கப்படுகின்றது.