ஆஸ்திரேலியா பாகிஸ்தானை வீழ்த்தி அரையிறுதிக்கு தகுதி பெற்றது

உலகக் கிண்ணப் போட்டி

ஆஸ்திரேலியா பாகிஸ்தானை வீழ்த்தி

அரையிறுதிக்கு தகுதி பெற்றது

அடிலெய்டில் உள்ள ஓவல் மைதானத்தில் இன்று நடைபெற்ற உலகக் கிண்ணக் காலிறுதி ஆட்டத்தின் 3வது போட்டியில் பாகிஸ்தானை 6 விக்கெட்டுகள் வித்தியாசத்தில் வீழ்த்திய ஆஸ்திரேலிய அணி அரையிறுதிக்குத் தகுதி பெற்றுள்ளது.

214 ஓட்டங்கள் எடுத்தால் வெற்றி என்ற இலக்குடன் களமிறங்கி விளையாடிய ஆஸ்திரேலிய அணியின் தொடக்க வீரர் பின்ச் 2 ஓட்டங்களுக்கு ஆட்டமிழக்க, அதன்பிறகு 8வது ஓவரில் வார்னர் 24 ஓட்டங்கள் எடுத்திருந்த நிலையில் ஆட்டமிழந்தார். பிறகு வந்த  ஸ்மித்தும் (65 ஓட்டங்கள்), வாட்சனும் (64 ஓட்டங்கள்) அரைச் சதத்தை எட்டினர். கிளார்க் 8 ஓட்டங்களில் ஆட்டமிழந்தார்.

மேக்ஸ்வெல் (44) வாட்சனுடன் ஆட்டமிழக்காமல் களத்தில் இருந்தார். ஆஸ்திரேலிய அணி, வீரர்களின் சிறப்பான ஆட்டத்தால் 33.5 ஓவர்களிலேயே 4 விக்கெட் இழப்புக்கு 216 ஓட்டங்கள் எடுத்தது.

இதையடுத்து பாகிஸ்தானை 6 விக்கெட்டுகள் வித்தியாசத்தில் வீழ்த்திய ஆஸ்திரேலியா அணி அரையிறுதிக்குத் தகுதி பெற்றது.