கிளிநொச்சியில் புகையிரதம் மோதி 5 படையினர் பலி

கிளிநொச்சியில் புகையிரதம் மோதி

5படையினர் பலி

கிளிநொச்சியில் இன்று பிற்பகல்  இராணுவ வாகனம் ஒன்றின் மீது, யாழ்தேவி புகையிரதம் மோதியதில், 5 படையினர் கொல்லப்பட்டனர். மேலும் 2 பேர் படுகாயம் அடைந்துள்ளனர் எனத் தெரிவிக்கப்படுகின்றது.

கிளிநொச்சி- 55 ஆம் கட்டைப் பகுதியில் உள்ள பாதுகாப்பற்ற புகையிரதக் கடவையில் இந்த விபத்து இடம்பெற்றது.

இராணுவத்தினருக்கான குடிநீர் மற்றும் விநியோகப் பொருட்களை ஏற்றிச் சென்ற வண்டியே, யாழ்ப்பாணத்தில் இருந்து கொழும்பு நோக்கிப் பயணித்த புகையிரதத்துடன் மோதியது.

இந்தச் சம்பவத்தில் 5 படையினர் கொல்லப்பட்டனர் என்றும்,  2 பேர் படுகாயமடைந்த நிலையில் கிளிநொச்சி மருத்துவமனையில் சிகிச்சைக்காக அனுமதிக்கப்பட்டுள்ளனர் என்றும் தகவல்கள் தெரிவிக்கின்றன.

அதேவேளை, இந்த விபத்தில், 4  படையினர் கொல்லப்பட்டனர் என்றும் 3 படையினர் காயமடைந்துள்ளனர் என்றும்  இராணுவப் பேச்சாளர் பிரிகேடியர் சுமித் அத்தபத்து தெரிவித்துள்ளார்.