ஐந்து மாதங்களாக தாபரிப்பு பணம் செலுத்தாத நபரொருவருக்கு ஒரு மாதம் சிறைதண்டனை மூதூர் நீதிமன்ற நீதிவான் இன்று உத்தரவு

ஐந்து மாதங்களாக தாபரிப்பு பணம் செலுத்தாத

நபரொருவருக்கு ஒரு மாதம் சிறைதண்டனை

மூதூர் நீதிமன்ற நீதிவான் இன்று உத்தரவு

திருகோணமலை - சேருநுவர பொலிஸ் பிரிவுக்குட்பட்ட பகுதியில் ஒரு குழந்தைக்கு 25,000 ரூபா தாபரிப்பு பணம் செலுத்தாத நபரொருவருக்கு ஒரு மாதம் சிறைதண்டனை விதித்து மூதூர் நீதிமன்ற நீதிவான் இன்று உத்தரவிட்டுள்ளார்.

திரித்துவ பகுதியைச் சேர்ந்த 47 வயதுடைய ஒருவருக்கே இவ்வாறு சிறை தண்டனை விதிக்கப்பட்டுள்ளது.

குறித்த சந்தேநபர் திருமணம் முடித்து ஒரு குழந்தைக்கு மாதாந்தம் ஐயாயிரம் ரூபா தாபரிப்பு செலுத்தி வந்த நிலையில் ஐந்து மாதங்களாக 25,000 ரூபா தாபரிப்பு பணம் செலுத்தாது தலைமறைவாக இருந்த நிலையிலே மனைவி பொலிஸ் நிலையத்தில் மேற்கொண்ட முறைப்பாட்டுக்கமைய, பொலிஸார் இவரை கைது செய்து மூதூர் நீதிமன்ற நீதிவான் முன்னிலையில் ஆஜர்படுத்தியுள்ளனர்