சீனாவில் லாரி மீது பஸ் மோதல் 38 பேர் பலி

சீனாவில் லாரி மீது பஸ் மோதல்

38 பேர் பலி

சீனாவில் ஹெனான் மாகாணத்தில் உள்ள ஹூனான் நகரில் ஆல்கஹால் எரிபொருளை ஏற்றிக்கொண்டு லாரி ஒன்று காலை சென்றுகொண்டிருந்தது. அதன் அருகிலேயே 53 பயணிகளை ஏற்றிக்கொண்டு பஸ் ஒன்றும் சென்றுகொண்டிருந்தது. திடீரென கட்டுப்பாட்டை இழந்த லாரி பஸ் மீது பயங்கரமாக மோதியது. இதில் பஸ் மற்றும் அங்கிருந்த 5 வாகனங்கள் தீப்பிடித்து எரியத்தொடங்கியது.

தகவல் அறிந்ததும் தீயணைப்பு வீரர்கள் விரைந்து வந்து கடுமையாக போராடி தீயை அணைத்தனர். இந்த விபத்தில் லாரியின் டிரைவர் மற்றும் பஸ் பயணிகள் உள்பட 38 பேர் உடல் கருகி பரிதாபமாக உயிரிழந்தனர். படுகாயம் அடைந்தவர்கள் ஆஸ்பத்திரியில் சிகிச்சை பெற்று வருகிறார்கள். இதே ஹூனான் நகரில் கடந்த வாரம் பள்ளி பஸ் ஒன்று அணைக்கட்டு ஒன்றின் மீது மோதிய விபத்தில் 8 குழந்தைகள் உள்பட 11 பேர் பலியானதும் குறிப்பிடத்தக்கது.