முன்னாள் கிரிக்கெட் வீரர் இம்ரான்கான் மீது அவதூறு வழக்கு

முன்னாள் கிரிக்கெட் வீரர் இம்ரான்கான் மீது

அவதூறு வழக்கு

பாகிஸ்தானின் முன்னாள் கிரிக்கெட் வீரரும், தற்போதைய அரசியல் கட்சித் தலைவருமான இம்ரான்கான் மீது முன்னாள் நீதிபதி இப்திகார் முகமது சௌத்ரி அவதூறு வழக்குத் தொடர்ந்துள்ளார்.

2013ஆம் ஆண்டில் நடந்த தேர்தலின் போது மோசடிகளை அப்போது நீதிபதியாக இருந்த இப்திகார் முகமது தடுக்காததால் தான் தனது கட்சி தோல்வி அடைந்ததாக இம்ரான் கான் கூறியிருந்தார்.

இந்த நிலையில், இம்ரான்கான் மீது ரூ.20 பில்லியன் நஷ்ட ஈடு கேட்டு முன்னாள் நீதிபதி அவதூறு வழக்குப் பதிவு செய்துள்ளார். அதில், நாட்டின் நீதிபதியை அவதூறு செய்ததன் மூலம் நீதித்துறைக்கே இழிவை ஏற்படுத்தியுள்ளார் என்று கூறியுள்ளார் முகமது சௌத்ரி.