இஸ்ரேல் படையினரை ஆதரித்து இஸ்ரேலியப் பெண்களின் அரை நிர்வாண புகைப்படங்கள் வெளியீடு

இஸ்ரேல் படையினரை ஆதரித்து

இஸ்ரேலியப் பெண்களின் அரை நிர்வாண புகைப்படங்கள் வெளியீடு

காஸா பகுதியில் ஹமாஸ் போராட்டக் குழுக்கள் மீது இஸ்ரேல் நடத்தும் கண்மூடித்தனமான இராணுவ நடவடிக்கைக்கு கண்டனம் பெற்றுக் கொண்டது போல் வேறு எந்த நாட்டு இராணுவமும் இவ்வளவு எதிர்ப்புகளை சந்தித்ததாகத் தெரியவில்லை.

ஆனால் இத்தகையை நிலையில், தங்கள் நாட்டு இராணுவ வீரர்களுக்கு ஆதரவு தெரிவித்தும், வாழ்த்தியும் இஸ்ரேலியப் பெண்கள் தங்கள் உடல்களில் வாழ்த்து வாசகங்களை வரைந்து இராணுவ வீரர்களை உற்சாக மழையில் நனைத்து வருகின்றனர். அந்த வகையில், இஸ்ரேல் நாட்டு இராணுவம் பெற்றது போன்ற கண்மூடித்தனமான ஆதரவை எந்த இராணுவமும் பெற்றதாகவும் தெரியவில்லை.

ஐடிஎஃப் என்ற இஸ்ரேல் டிபன்ஸ் போர்ஸுக்கு ஆதரவு தெரிவித்து, இளம்பெண்கள் தங்கள் உடல்களில், ஐடிஎப்புக்கு பின்னால் நாங்கள் நிற்கின்றோம், உங்களுக்கு எங்கள் ஆதரவு, ஐடிஎஃபை நாங்கள் விரும்புகிறோம், லவ் ஐடிஎஃப் என்றும் இது போன்ற பல வாசகங்களையும் தங்கள் மார்பு, தொடைகளில் உதட்டுச் சாயத்தாலும், பேனா, பென்ஸில், பெயிண்ட் ஆகியவற்றால் எழுதி பேஸ்புக்கிலும் அவற்றை வெளியிட்டு வருகின்றனர்.

கடந்த புதன்கிழமை இந்த பேஸ்புக் பக்கம் வெளியிடப்பட்டது. அதில் இருந்து 29 ஆயிரம் லைக்குகள் உடனே பெற்றது இந்தப் பக்கம். இதைப் பார்த்துவிட்டு, மேலும் பல இளம்பெண்களும் தங்கள் படங்களை இந்தப் பக்கத்தில் பகிர்ந்து வருகின்றனர்.