சம்மாந்துறை வாழ் மக்களுக்கு ஓர் முக்கிய அறிவித்தல்..!!! - துறையூர் ஏ.கே மிஸ்பாஹுல் ஹக்

சம்மாந்துறை வாழ் மக்களுக்கு ஓர் முக்கிய அறிவித்தல்..!!!

-    துறையூர் ஏ.கே மிஸ்பாஹுல் ஹக்

அம்பாறை மாவட்ட பள்ளிவாயல் சம்மேளனத்தின் ஏற்பட்டில் நடைபெற்ற கூட்டத்தின் பிரகாரம் கடந்த ஞாயிற்றுக் கிழமை அளுத்கமை,தர்கா நகர்,இப் பிரதேசங்கள் மற்றும் இதனை அண்டிய பிரதேசங்களில் பேரினவாதிகளால் முஸ்லிம்களிற்கு இழைக்கப்பட்ட அநீதிகளுக்கு எதிர்வரும் புதன் கிழமை துஆப் பிராத்தனை செய்து ,துக்கம் அனுஸ்டிப்பதென்றும் நாளை  சனிக் கிழமை அம்மக்களுக்கு உதவும் பொருட்டு மக்களிடமிருந்து பணம் வசூலிப்பதென்றும் முடிவெடுக்கப்பட்டது.

மேலும், இத்தீர்மானத்திற்கமைய  நாளை சனிக்கிழமை சம்மாந்துறை ஜம்மியதுல் உலமாவின் அங்கீகாரத்தோடு சம்மாந்துறையில் உள்ள ஒவ்வொரு வீடுகளையும் நோக்கி அக் குறித்த மஹல்லாவிற்கு சொந்தமான பள்ளிவாயல் நிருவாகிகளும்,மஹல்லா வாசிகளும் வசூலிக்க வர ஏற்பாடு செய்யப்பட்டுள்ளது.

பணம் வசூலிக்க ஆட்பலம் தேவைப்படுவதால் உங்கள் மஹல்லா நிருவாகிகளைதொடர்பு கொண்டு அவ் வசூலிப்பு குழுவுடன் இணைந்து கொள்ளுமாறு சம்மாந்துறை வாழ் மக்கள் கேட்டுக் கொள்ளப்படுகிறார்கள்.

மேலும்,வீடுகளை நோக்கி வரும் மஹல்லா வாசிகள்,நிருவாகிகளை இன் முகத்துடன் வர வேற்று உங்களுக்கு முடியுமான தொகையை அவர்களிடம் வழங்கி பாதிக்கப்பட்ட மக்களுக்கு உதவிடுமாறும் அன்பான வேண்டுகோள் விடுக்கப்படுகின்றது.

இது பற்றிய சிறப்புச் சொற்பொழிவும் அல்-ஹாஜ் மௌலவி அப்துல் ஹாதர்(மிஸ்பாஹி)அவர்களால் இன்று பத்ர் ஜும்மா பள்ளிவாயலில் நடாத்தப்பட்டதும் குறிப்பிடத்தக்கது.