ரஜினிகாந்துக்கு ஆண்டின் சிறந்த திரை ஆளுமை விருது

ரஜினிகாந்துக்கு ஆண்டின் சிறந்த திரை ஆளுமை விருது

இந்த ஆண்டின் சிறந்த திரையுலகப் பிரமுகருக்கான மத்திய அரசின் விருது ரஜினிகாந்துக்கு அறிவிக்கப்பட்டுள்ளது. கோவாவில் நடக்கும் இந்திய சர்வதேச திரைப்படவிழாவில் இந்த விருது வழங்கப்படுகிறது.

இந்த விழா வரும் நவம்பர் 20ம் திகதி தொடங்கி 30ம் திகதி 11 நாட்கள் நடைபெறுகிறது. 20 ம் திகதி தொடக்க விழாவில் நடிகர் ரஜினிகாந்த்துக்கு இந்த விருது வழங்கப்படுகிறது.

தொடக்க விழாவில் 72 வயதாகும் அமிதாப்பச்சன் தலைமை விருந்தினராக கலந்து கொள்கிறார். இந்தியா முழுவதிலும் இருந்து நடிகர்கள் மற்றும் நடிகைகள், இயக்குனர்கள் மற்றும் திரையுலகப்பிரமுகர்கள் மற்றும் அரசியல் தலைவர்கள், முக்கியப்பிரமுகர்கள் கலந்து கொள்கின்றனர்.

கோவா சர்வதேச திரைப்பட விழாவில் 75 நாடுகள் பங்கேற்கின்றன. 61 அயல்நாட்டு திரைப்படங்களும் ஆசியாவிலிருந்து 7 திரைப்படங்களும் இந்த நிகழ்ச்சியில் பங்கேற்கின்றன.

ஈரான் இயக்குனர் மோசன் மக்மாபஃப் என்பவரின் 'தி பிரசிடெண்ட்' என்ற திரைப்படத்துடன் விழா தொடங்குகிறது.