ஒரு நாள் கிரிக்கெட் போட்டிகளில் அதிக ஓட்டங்கள்: சச்சினுக்கு அடுத்த இடத்தில் குமார் சங்கக்கார

ஒரு நாள் கிரிக்கெட் போட்டிகளில் அதிக ஓட்டங்கள்:

சச்சினுக்கு அடுத்த இடத்தில் குமார் சங்கக்கார

உலகக் கிண்ண கிரிக்கெட்டில் இன்று நியூசிலாந்துக்கு எதிராக 39 ஓட்டங்கள் எடுத்த  குமார் சங்கக்கார ஒருநாள் கிரிக்கெட்டில் 13,732 ஓட்டங்கள் எடுத்து சச்சினுக்கு அடுத்த இடத்திற்கு வந்துள்ளார்.

சச்சின் டெண்டுல்கர் 18,426 ஓட்டங்களுடன் முதலிடம் வகிக்க அதற்கு அடுத்த இடத்தில் முன்னதாக ரிக்கி பாண்டிங் 13,704 ஓட்டங்களுடன் இருந்தார். தற்போது 13,732 ஓட்டங்களுடன் குமார் சங்கக்கார 2-ஆம் இடத்திற்கு முன்னேறியுள்ளார்.

உலகக்கிண்ண  கிரிக்கெடில் குமார் சங்கக்கார  1030 ஓட்டங்களை எடுத்துள்ளார். உலகக்கிண்ண கிரிக்கெட்டில் 1000 ஓட்டங்களுக்கும் மேல் எடுக்கும் 3-வது இலங்கை வீரர் குமார் சங்கக்கார, மொத்தத்தில் இவர்  14-வது வீரராகும்.

சச்சின் டெண்டுல்கர் உலகக்கிண்ணக் கிரிக்கெட்டில் மட்டும் 2,278 ஓட்டங்கள் எடுத்து முதலிடம் வகிக்கிறார் .

உலகக்கிண்ண கிரிக்கெட் போட்டியில் நியூசிலாந்து இன்று எடுத்த 331 ஓட்டங்கள் 7-வது 300 ஓட்டங்களுக்கும் மேலான ஓட்டங்களாகும். ஆஸ்திரேலியா உலகக்கிண்ண கிரிக்கெட் போட்டிகளில் 14 முறை 300 ஓட்டங்களுக்கும் மேல் எடுத்துள்ளது.