நெஞ்சை பதறவைத்த சம்பவம்
சிறுமி மீது கார் ஏறி
இறங்கியும் உயிர் பிழைத்த அதிசயம்
இந்தியாவிலுள்ள மகாராஷ்டிர மாநிலம் நாசிக்கில் சாலையில் விளையாட்டுத்தனமாக நடந்து சென்ற 3 வயது சிறுமி மீது கார் மோதி, இரண்டு கார் சக்கரங்களும் ஏறி இறங்கியும், குழந்தை சிறு காயங்களுடன் உயிர் பிழைத்த அதிசயம் பார்ப்போரை ஒரு நிமிடம் கலங்க வைக்கிறது.
இந்த காட்சி முழுவதும், அந்த சாலையின் ஓரத்தில் வைக்கப்பட்டிருந்த சிசிடிவி கேமராவில் பதிவாகியுள்ளது.
கடந்த ஜூன் மாதம் 18ம் திகதியன்று வீட்டில் இருந்த 3 வயது சிறுமி ஜோயா, திடீரென வீட்டில் இருந்து வெளியே வந்து சாலையைக் கடக்க முயன்றாள். ஆனால், எதிர்பாராதவிதமாக அவள் மீது, கார் ஒன்று மோதி, காரின் இரண்டு சக்கரங்களுமே சிறுமி மீது ஏறி இறங்கியது. இதனைப் பார்த்த ஒரு பெண்மணி ஓடிச் சென்று சிறுமியைத் தூக்கிக் காப்பாற்றினார். உடனடியாக அந்த காரிலேயே சிறுமியை அழைத்துக் கொண்டு மருத்துவமனையில் சேர்த்தனர்.
இந்த காட்சிகள் அனைத்தும் அங்கிருந்த சிசிடிவி கேமராவில் பதிவாகியிருந்தது. இந்த காட்சி, பார்ப்பவர்களை ஒரு நிமிடம் அதிர வைக்கும்.
https://youtu.be/H8kPRWb00Go
0 comments:
Post a Comment