நாங்க இன்னும் இளைமைதான்.. சீனாவில் 70 வயது முதியவரை மணந்த 113 வயது பெண்

நாங்க இன்னும் இளைமைதான்..

சீனாவில் 70 வயது முதியவரை மணந்த 113 வயது பெண்

சீனாவில் 113 வயதான பெண்மணி ஒருவர், வயதில் தன்னைவிட 43 வயது குறைவாக உள்ள 70 வயது முதியவரை திருமணம் செய்து கொண்டுள்ளார். தன்னைவிட வயது குறைவானவரை திருமணம் செய்து கொண்டதில் சங்கடம் எதுவும் இல்லை. இன்னும் நாங்கள் இளமையாகவே இருக்கிறோம் என்று அந்த மூதாட்டி கூறுகின்றார்.

சீனாவின் மேற்கில் உள்ள ஜின்ஜியாங் பிராந்தியத்தில் நேற்று முன்தினம் 113 வயதான அசாத்திஹான் சாவூதியும் 70 வயதான அய்மதி அஹமதியும் சம்பிரதாய முறைப்படி திருமணம் செய்து கொண்டனர். பின்னர், தங்களது திருமண புகைப்படங்களை சீன பத்திரிகைகளுக்கு விநியோகித்தனர்.

நாங்கள் இருவரும் மகிழ்ச்சியாக இருக்கிறோம். என்னைவிட வயதில் மூத்த பெண்ணை திருமணம் செய்து கொண்டதற்காக கவலைப்படவில்லை. சாப்பாட்டின்போது எனக்கு கறி சமைத்து போட்டு, என்னை அன்பாக கவனித்து கொள்கிறாள். ஒருவரை ஒருவர் கவனித்து கொள்வதில், இன்றும் நாங்கள் இளமையாக இருப்பதாக நினைக்கிறோம் என்று அய்மதி அஹமதி பத்திரிகையாளர்களிடம் கூறினார். ஜின்ஜியாங் பிராந்தியத்தில் பாச்சு கவுன்டியில் இருக்கும் முதியோர் இல்லத்தில் அசாத்திஹானும்  அய்மதியும் கடந்த டிசம்பர் மாதம் சந்தித்து கொண்டனர்.

பின்னர் இருவரும் 6 மாதமாக ஒருவரை ஒருவர் புரிந்து கொண்டு வாழ ஆரம்பித்தனர். இப்போது முறைப்படி திருமணம் செய்து கொண்டுள்ளனர். வயதான காலத்தில் திருமணம் செய்து கொள்வது அவமானமாக இருக்கும் என்று அசாத்திஹான் முதலில் மறுத்தார். நான்தான் அவரை சமாதானப்படுத்தி திருமணத்துக்கு ஒப்புக் கொள்ள வைத்தேன் என்று அய்மதி புன்சிரிப்புடன் கூறியுள்ளார்.