புதிய பங்களாவில் மன்மோகன் சிங் குடியேறுகிறார்

புதிய பங்களாவில்

மன்மோகன் சிங் குடியேறுகிறார்

பிரதமர் பதவியில் இருந்து விலகும் மன்மோகன் சிங் தற்போது டில்லி ரேஸ்கோர்ஸ் சாலையில் உள்ள 7-ம் எண் பங்களாவில் குடியிருந்து வருகிறார். நாளை (திங்கள்கிழமை) முதல் ஓய்வு பெறும் அவருக்கு டில்லி மோதிலால் நேரு சாலையில் உள்ள 3-ம் எண் பங்களா ஒதுக்கப்பட்டு உள்ளது. அந்த பங்களா அமைந்துள்ள பகுதி இயற்கை சூழல் பாதிப்புக்கு உள்ளாகாத வகையில் அண்மையில் புதுப்பிக்கப்பட்டது.

 புதிய பிரதமராக நரேந்திர மோடி நாளை  மாலை பதவி ஏற்றுக் கொள்ளும் விழாவில் மன்மோகன் சிங் கலந்து கொள்கிறார். விழா முடிவடைந்ததும், தனது குடும்பத்தினருடன் மோதிலால் நேரு சாலை பங்களாவில் அவர் குடியேறுகிறார். டில்லி முதல்-மந்திரியாக பதவி வகித்த ஷீலாதீட்சித் கடந்த பெப்ரவரி மாதம் வரை இந்த பங்களாவில்தான் வசித்து வந்தார் என்பது குறிப்பிடத்தக்கது.