பஞ்சாப்பை எளிதாக வென்றது மும்பை இந்தியன்ஸ்

பஞ்சாப்பை எளிதாக வென்றது மும்பை இந்தியன்ஸ்

மொகாலியில் நடைபெற்ற பஞ்சாப்புக்கு எதிரான ஆட்டத்தில் மும்பை இந்தியன்ஸ் அணி 7 விக்கெட்டுகள் வித்தியாசத்தில் வெற்றி பெற்றது. முன்னதாக டாஸ் வென்ற மும்பை இந்தியன்ஸ் கேப்டன் ரோகித்சர்மா முதலில் பந்து வீச்சை தேர்வு செய்தார். இதனை அடுத்து களமிறங்கிய பஞ்சாப் அணி நிர்ணயிக்கப்பட்ட 20 ஓவர்களில் 8 விக்கெட்டுகளை இழந்து 156 ஓட்டங்கள் எடுத்தனர். பஞ்சாப் அணியில் அதிகபட்சமாக ஜார்ஜ்பெய்லி 39 ஓடங்கள் எடுத்து ஆட்டமிழந்தார். இதனை அடுத்து 157 ஓட்டங்கள் எடுத்தால் வெற்றி என்ற இலக்குடன் களமிறங்கிய மும்பை இந்தியன்ஸ் 19 ஓவர்களில் 3 விக்கெட்டை இழந்து 159 ஓட்டங்கள் எடுத்து எளிதாக வென்றது.

மும்பை அணியில் அதிரடியாக விளையாடிய சிம்மொன்ஸ் ஐ.பி.எல். தொடரில் தனது முதலாவது சதத்தை பதிவு செய்தார். சிம்மொன்ஸ் 61 பந்துகளில் 12 பவுண்டரி, 2 சிக்சர், உள்பட 100 ஓட்டங்கள் எடுத்து வெற்றிக்கு வழிவகுத்தார். இந்த தொடரில் அடிக்கப்படும் முதலாவது சதம் இதுவாகும்.